ദക്ഷിണാഫ്രിക്ക എ ക്കെതിരെയുള്ള ഏകദിന പരമ്പരയിലെ ആദ്യ മത്സരത്തിൽ ഇന്ത്യ എ ക്ക് ടോസ് നഷ്ടം. ടോസ് നേടിയ ദക്ഷിണാഫ്രിക്ക ബാറ്റിംഗ് തെരഞ്ഞെടുത്തു. മൂന്ന് മത്സര പരമ്പരയിലെ ആദ്യ ഏകദിനമാണ് ഇന്ന് നടക്കുന്നത് . രാജ്കോട്ടിലെ നിരഞ്ജന്‍ ഷാ ക്രിക്കറ്റ് സ്റ്റേഡിയത്തില്‍ മത്സരം നടക്കുന്നത്.
ഈ മാസം 30ന് തുടങ്ങുന്ന ദക്ഷിണാഫ്രിക്കക്കെതിരായ ഏകദിന പരമ്പരക്കുള്ള ഇന്ത്യയുടെ സീനിയര്‍ ടീമില്‍ ഇടം പ്രതീക്ഷിക്കുന്ന യുവതാരങ്ങളെല്ലാം എ ടീമിനായി കളിക്കാനിറങ്ങുന്നുണ്ട്.
തിലക് വര്‍മയാണ് ടീമിനെ നയിക്കുന്നത്. ടി20 ഓപ്പണറായ അഭിഷേക് ശര്‍മയാണ് എ ടീമിന്‍റെ ഓപ്പണര്‍. അഭിഷേകിനൊപ്പം റുതുരാജ് ഗെയ്ക്വാദ്, റിയാന്‍ പരാഗ്, ഇഷാന്‍ കിഷന്‍, നിതീഷ് കുമാര്‍ റെഡ്ഡി, ഹര്‍ഷിത് റാണ, അര്‍ഷ്ദീപ് സിംഗ്, പ്രസിദ്ധ് കൃഷ്ണ തുടങ്ങിയ ഇന്ത്യൻ താരങ്ങളെല്ലാം എ ടീമിലുണ്ട്. നിഷാന്ത് സിന്ധുവും വിപ്രജ് നിഗമും മാത്രമാണ് അൺ ക്യാപ്പഡ് താരങ്ങളായി ഉള്ളത്.
നിലവിൽ സീനിയർ ഏകദിന ടീമിലുണ്ടായിരുന്ന ശ്രേയസ് അയ്യർക്ക് പരിക്കേറ്റതോടെ ഇന്ത്യ എ യിൽ മികച്ചു കളിക്കുന്ന ഒരാൾക്ക് അവസരമൊരുങ്ങാൻ സാധ്യതയുണ്ട്.
ദക്ഷിണാഫ്രിക്ക എ പ്ലേയിംഗ് ഇലവൻ: റിവാൾഡോ മൂൺസാമി, റൂബിൻ ഹെർമൻ, ജോർദാൻ ഹെർമൻ, മാർക്വെസ് അക്കർമാൻ (ക്യാപ്റ്റൻ), സിനതെംബ ക്വിഷൈൽ, ഡിയാൻ ഫോറസ്റ്റർ, ഡെലാനോ പോട്ട്‌ഗീറ്റർ, ജോൺ ഫോർച്യൂയിൻ, ടിയാൻ വാൻ വൂറൻ, ഷെപ്പോ മോറെക്കി, ഒട്ട്‌നീൽ ബാർട്ട്‌മാൻ.
ഇന്ത്യ എ പ്ലേയിംഗ് ഇലവൻ: അഭിഷേക് ശർമ്മ, റുതുരാജ് ഗെയ്ക്വാദ്, റിയാൻ പരാഗ്, തിലക് വർമ്മ(ക്യാപ്റ്റൻ), ഇഷാൻ കിഷൻ, നിതീഷ് കുമാർ റെഡ്ഡി, നിശാന്ത് സിന്ധു, ഹർഷിത് റാണ, വിപ്രജ് നിഗം, അർഷ്ദീപ് സിംഗ്, പ്രസിദ്ധ് കൃഷ്ണ.
Content Highlights:India A team also unlucky in the toss; South Africa A will bat first in the first ODI